من أنا!

أنا داليا من الأسكندرية...مشروع...مشروع حاجات كتير..مشروع مؤلفه و مشروع مغنية و مشروع شاعرة...عندى مواهب كتير..لكن سبعه صنايع و بخت ضايع...ضايع بالقوى...ما هو لو كان عندى واسطه...كنت استفدت من أى حاجة من دول...حتى لو معنديش موهبه..بس عشان عندى موهبه و معنديش واسطه...مفيش فايده...المهم أنا خريجة تجارة عربى و بشتغل مدرسة إنجليزى...أنا سامع واحد كده زى ما يكون بيتريأ...أيوة عندك مانع...أنا خريجة مدرسة إنجليزية من الجامدين جدا جدا!هاه! المهم ...شعارى...مفيش مستحيل...أنا زمان كنت غلبانه قوى و ماشية جنب الحيط...لغاية ما قررت أطلع من الأمم...لأنى إكتشفت إن اللى بستخبى جوة الأمأم..عمره بيأبأب قصدى بيإب تانى...بس أنا قبيت تانى و بدأت من جديد...و حولت مسارى...لأنى إكتشفت نفسي...رغم إنى حفظاها و فهماها من الأول بس يمكن عشان كنت بسمع الكلام و بقول حاضر و طيب خسرت حاجات كتير...ليه مثلا دخلت كلية تجارة و أنا مبحبش الحساب ليه أصلا خدت مستوى رفيع حساب و خسرتهم لول...و كان ممكن أخش أداب إنجليزى من الأول لو خدت مستوى رفيع انجليزى...المهم يا ولاد اللى أنا عايزكم تفهموه...انكم لازم تعبروا عن نفسكو مش قصدى تعندوا...قصدى تتكلموا عن مواهبكم...و ميولكم الحقيقية...تقولى لماما أنا ميولى أدبية و مش هنجح لو دخلت علمى...أو تقول لبابا أنا بحب المزيكا و نازل أغنى ف الأوبرا من بكرا...هاهاهاهاها...يعنى..متخلوش ف نفسكو حاجة...بكل أدب و إحترام و من غير صوت عالى و شرشحه و ملايات يا بناااااات...هه..عبروا عن نفسكو...اتكلموا!بس خلاص..على رأى شعبله...إلى اللقاء فى المدونه القادمه بإن الله